АНУ “Томагавк” далавчит пуужингаар зэвсэглэсэн байлдааны хоёр хөлөг онгоцоо Ливийн эрэг рүү илгээсэн байна. Эхний хөлөг нь хэдийнээ Ливийн эрэгт ирээд байгаа бол дараагийнх нь хэдэн өдрийн дараа гэхэд хүрэлцэн очно гэж ИТАР-ТАСС дамжууллаа. Үүний өмнө Пентагон Ливи рүү тэнгисийн явган цэргийн хэдэн арван дайчныг илгээсэн юм.
Тус улсын Бенгазид консулын байр руу жагсагчид халдсаны дараа дипломат ажилтнуудаа хамгаалах зорилгоор энэ арга хэмжээг авч байгаа юм. Бенгазид АНУ-ын консулын газар руу зэвсэгт этгээд халдаж АНУ-ын Элчин сайд Кристофер Стивенс, гурван ажилтны амийг хөнөөсөн юм.
Мусульманчуудын үзэж байгаагаар гэгээн Мухаммедийг нь гутаасан кино Америкт гарсаны улмаас лалын шашинтнууд эсэргүүцлээ илэрхийлэн жагсч улмаар ийм халдлага үйлдсэн юм.