Гэгээн цагаан өдөр Лондонгийн Мортлейк дүүргийн нутаг дэвсгэрт тэнгэрээс хүн унаж амь алдсан тохиолдол гарчээ. “Би гэрээсээ гараад иртэл гэнэт их хүчтэй дуу чимээ гараад хартал нэг хүн зам дээр хэвтэж байсан. Харахад ч аймаар байсан” гэж эндхийн оршин суугч 19 настай залуу хэлсэн байна.
Хэргийн учир нь тасалбаргүй, тэгээд ч цагаачлалын ямар ч бичиг баримтгүй,  хойд Африк гаралтай 30 настай залуу онгоцны дугуйн хэсэгт нуугдан нисээд олон улсын Хитроу буудлаас 15 км зайтай энэ дүүргийн орчимд ирээд онгоц дугуйгаа гаргахад нь доош унасан юм байна. Тэр залуу 610 метрийн өндрөөс унажээ. Шинжээчдийн хэлснээр бол залуу газарт унахдаа хэдийнээ амьсгал хураасан байсан байна. Энэ нь хэт өндөрт хүйтэн агаараас болсон ч байж мэднэ, эсвэл онгоц дугуйгаа хумихад амь алдсан ч байж мэдэх юм байна. “Онгоцны дугуйн хэсэгт хасах 40 градус хүйтэн байдаг. Тэнд хүн удаан амьд байх боломжгүй” гэж иргэний нисэхийн мэргэжилтэн хэлжээ.
2010 онд 20 настай румын залуу Боинг-747 онгоцны дугуйн хэсэгт нуугдан хасах 41 градусын хүйтэнг тэсвэрлээд Австрийн нийслэл Венагаас Английн нийслэл орж байсан тохиолдол гарч байжээ.