“Талибан” хөдөлгөөнийхөн Гэгээн Мухаммедийг гутаан доромжилсон кино гаргасных нь төлөө  Афганистаны ард түмнийг америкчуудын эсрэг тэмцэлд уриаллаа. “Америкчуудын хүний үнэргүй үйлдлийн төлөө Исламын эмират /талибчууд Афганистаныг ингэж нэрлэдэг байна/ улс орныхоо шашны бүх тэргүүнийг хугацаагүй аян дайнд мордохыг уриалж байна” гэж мэдэгдэлдээ дурджээ. Тэд бас Афганистанд байгаа Америкийн цэргүүдийн эсрэг дайралтаа идэвхжүүлэхийг өөрсдийн хорлон сүйтгэгч, зэвсэгт дайчиддаа  уриалжээ. Гэгээн Мухаммедыг гутаан доромжилсон хэсэг бүхий энэ киног үзүүлэхгүйн тулд лхагва гарагт Афганистан даяар интернетийн Youtube сайтыг хаасан байна.
Энэ киног  гарсны дараа Ливийн Бенгази хотод Америкийн консулын газар руу жагсагчид дайрч АНУ-ын Элчин сайд Кристофер Стивенс болон Америкийн гурван иргэний амийг хөнөөсөн юм.