Засгийн газрын өргөтгөсөн хуралдаан 2021 оны арваннэгдүгээр сарын 17-нд болж, аймаг, нийслэлийн Засаг дарга нар оролцлоо. Энэ үеэр Ерөнхий сайд Л.Оюун-Эрдэнэ “Өнгөрсөн хугацаанд үүрэг даалгавар биелүүлээгүй 32 албан тушаалтан ажлаасаа чөлөөлөгдсөн. Авлига, албан тушаалтай холбоотой 87 албан хаагчийн хэрэг өнгөрсөн хугацаанд шүүхээр эцэслэн шийдвэрлэгдсэн.

Засгийн газраас гарсан шийдвэрийг биелүүлээгүй албан тушаалтанд хариуцлага тооцоод явна. Би гэхдээ хэнийг ч хэлмэгдүүлэхгүй” гэлээ.