ОХУ-ын Ерөнхийлөгч Владимир Путин өөрт нь өнгөрсөн зун хав бэлэглэсэн Японы амбан захирагчид хариу болгож муурын зулзага илгээсэн байна. Ерөнхийлөгч хүнд бэлэглэх муураа туслахуудын хамт олон муурнаас сонгож авсан гэж Владимир Путины хэвлэлийн нарийн бичгийн дарга Дмитрий Песков “КМ” сонинд мэдээлжээ. Харин муурын зулзага эзэндээ шууд очихгүй, Японы хилийн эрүүл ахуйн хяналтын дүрмийн дагуу Токиогийн нисэх буудалд хагас жил болно. Ингээд 180 хоногийн хориогоо дуусгаад ирэх оны хоёрдугаар сард сая амбан захирагч Акита Сатакэд очих юм байна. Мууранд одоогоор нэр өгөөгүй, эзэн нь өөрөө өгөх байх гэж хэвлэлд бичжээ.
Японд болсон газар хөдлөл, цунамийн дараа Орос улс тусламж үзүүлсэнд талархснаа илэрхийлж тус мужийн  амбан захирагч өнгөрсөн зун Оросын Ерөнхийлөгчид Акита-ину үүлдрийн хав илгээсэн юм.