Монгол Улсын хууль, эрх зүйн салбарт 40 гаруй жил ажиллахдаа эрх зүйт төрийг төлөвшүүлэх, Монгол Улсын хууль тогтоомжийг боловсронгуй болгох, Монгол Улсын ардчилсан, шинэ Үндсэн хуулийг хэлэлцэн батлах үйл ажиллагаанд оролцож, Үндсэн хуулийг дагалдан гарах хуулиудыг боловсруулахад идэвх зүтгэл гарган ажилласан, Үндсэн хуулийн биелэлтэд хяналт тавих үйл ажиллагаанд оюун ухаан, мэдлэг чадвараа дайчилж олон жил үр бүтээлтэй ажилласан хувь нэмрийг нь үнэлж Монгол Улсын Бага Хурал, Улсын Их Хурал болон Үндсэн хуулийн цэцийн гишүүн асан ЖАНЛАВЫН БЯМБАЖАВТ Монгол Улсын Ерөнхийлөгчийн зарлигаар гавьяат хуульч цол хүртээв.