Мексикийн АНУ-тай хиллэдэг Коаулиа мужийн Пьедрас Неграс хотын нэг шоронгоос 132 хоригдол оргосон хэрэг гарчээ. Прокурорын байгууллагын мэдээлж байгаагаар хоригдлууд хуучин доод хонгилоор дамжин гадагш гарсан бололтой. Долоон метр урттай, 1,2 метрийн өргөнтэй энэ хонгилд өмнө  нь оёдлын цех байгаад орхигдсон юм байна. Шоронгийн хамгаалалтын ажилтнууд хахууль авсан байхыг хууль сахиулах байгууллагынхан үгүйсгэхгүй байна.
Оргосон хоригдлуудын талаарх мэдээллийг мужийн эрх баригчид 200 мянган песо буюу 15,7 мянган доллараар авна гэсэн зар тараагаад байна. Энэ шоронд нийтдээ 734 хоригдол хоригдож байжээ.
2010 онд бас Мексикийн  хилийн дэргэдэх Нуэво-Ларедо хотын шоронгоос 150 хоригдол оргож байсан тохиолдол гарч байжээ.