Иргэдийн спортын их наадмын Спорт явган аялалын тэмцээн “Хар усан тохой”-д болж өндөрлөлөө.  Энэхүү тэмцээн нь нийслэл Улаанбаатар хотод биеийн тамир, спортын байгууллага үүсч хөгжсөний 50 жилийн ой, “Иргэдийн оролцоо-Өрхийн хөгжлийг дэмжих жил”-ийн хүрээнд нийслэлийн иргэдийг бие бялдрыг хөгжүүлэх, биеийн тамир, спортын уралдаан тэмцээнд өргөнөөр хамруулах, тэдний идэвх сонирхолыг дэмжих, иргэдийг эрүүл зөв амьдрах хэм хэмнэлд сургах зорилгоор зохион байгуулагдаж байгаагаар  онцлогтой болсон юм. Анхан шатны тэмцээнд есөн дүүргээс 72 хорооны 864 иргэд хамрагдсанаас нийслэлийн шигшээ тэмцээнд есөн  дүүргийн 108 иргэд амжилттай оролцлоо. Тэмцээнийг аялах явц, үүргэвч, цугларалт ирц, сахилга бат, зохион байгуулалт, байгаль болон отгийн ариун цэвэр, багийн болон хувийн бэлтгэл, эмийн сан зэрэг үзүүлэлт, азимут, хөгжилтэй буухиа, дартс гэсэн төрлүүдээр явуулж нийлбэр дүнгээр багуудыг байр эзлүүлэв.Ингэснээр нэгдүгээр тэргүүн байрт  О.Мэндбаяр дасгалжуулагчтай, Батболд ахлагчтай Баянгол дүүргийн 22-р хороо шалгарсан байна.