Ерөнхий сайд Л.Оюун-Эрдэнэ Монголын Залуучуудын Холбооны байр буюу олон нийтийн өмчийг хууль бусаар завшсан байж болзошгүй асуудлыг шалгуулж, дүгнэлт гаргуулахаар Авлигатай Тэмцэх Газарт хандлаа. Монголын Залуучуудын Холбоо нь 1500 гаруй салбар нэгжтэй, үндэсний хэмжээний залуучуудын байгууллага бөгөөд өөрийн дөрвөн давхар байшингийн ердөө нэг давхарт л үйл ажиллагаагаа явуулж бусад гурван давхарыг ААН-үүдэд түрээслэх буюу зориулалт бусаар ашигладаг тухай олон нийтийн сүлжээ болон мэдээллийн хэрэгсэлээр байнга гардаг. Гэвч тус холбооны байртай холбоотой асуудал өнөөдрийг хүртэл тодорхой шийдэлд хүрээгүй байна.