Олимпын аварга Н.Түвшинбаярт холбогдох хэргийн шүүх хурлын урьдчилсан хэлэлцүүлгийг энэ сарын 29-нд товложээ. Н.Түвшинбаярт Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.1 дэх заалтад зааснаар “онц харгис хэрцгийгээр хүний амь хөнөөсөн“, мөн хуулийн 17.8 дугаар зүйлийн 1 дэх хэсэгт заасан “Бусдын эд хөрөнгийг хууль бусаар устгасан, гэмтээсэн” зүйл ангиудаар эрүүгийн хэрэг үүсгэн шалгаж байгаа юм. Хан-Уул дүүргийн прокурорын газраас яллах дүгнэлт үйлдэн, шүүхэд шилжүүлээд байгаа бөгөөд дээрх зүйлчлэл нь 5-12 жилийн хорих ялтай ажээ.