Ерөнхий сайд Л.Оюун-Эрдэнэ авлигатай тэмцэхээ мэдэгдэж авлигын индексийг бууруулах зорилт дэвшүүлэн ажиллаж байгаа бөгөөд цахим засаглалд шилжих, хүнд суртал, авлигагүй төрийн үйлчилгээг бүрдүүлэх үндэсний хороо байгуулж, өөрөө ахлан ажиллаж байгаа билээ. 

Засгийн газрын тогтоолоор Иргэд, олон нийттэй харилцах 11-11 төвийг Ерөнхий сайдын Ажлын албанд шилжүүлсэн. Энэ хүрээнд долоо хоног бүр иргэдийн асуудлыг хэрхэн шийдвэрлэсэн тухайгаа тус төвийнхөн Засгийн газрын хуралдаанд танилцуулах юм. Мөн энэ төв авлигатай холбоотой гомдол мэдээллийг хүлээн авна.

Эх сурвалж: Засгийн газрын Хэвлэл мэдээлэл, олон нийттэй харилцах газар