Улсын Ерөнхий Прокурорын Газраас УИХ-ын гишүүн Н.Алтанхуягийн бүрэн эрхийг түдгэлзүүлж шалгах хүсэлтийг УИХ-ын даргад хүргүүлсэнтэй холбогдуулан өнөөдөр /2022-4-27/ УИХ-ыг гишүүний халдашгүй байдлын дэд хорооны хурлаар түүний асуудлыг авч хэлэлцэж байна.

Түүнийг Хөгжлийн банкны асуудлаар бус 2013 онд Ерөнхий сайдаар ажиллаж байхдаа нүүрсний экспортыг дэмжих талаар авах зарим арга хэмжээний тухай тогтоолыг батлахдаа Засгийн газрын хуралдааны дэгийг зөрчсөн гэж үзэн бүрэн эрхийг нь түдгэлзүүлэх саналыг оруулжээ.

УИХ-ын гишүүний халдашгүй байдлын дэд хорооны өнөөдрийн хуралдаанаар мөн УИХ-ыг гишүүн Ё.Баатарбилэг, Г.Амартүвшин, Х.Ганхуяг нарын бүрэн эрхийг түдгэлзүүлэх тухай хэлэлцэх юм.