УИХ-ын чуулганы нэгдсэн хуралдаанаар Нийгмийн Даатгалын Шимтгэлээ өөрөө хариуцан төлсөн зарим даатгуулагчийн шимтгэлийн 50 хувийг буцаан олгох тухай хуулийн төслийг эцэслэн батлав.

Нэг сая төгрөг болон түүнээс доош орлоготой иргэн өөрийн төлдөг 9.5 хувийн шимтгэлийн 50%-ийг тавдугаар сараас эхлэн он дуустал буцаан авахаар боллоо. Хувиараа нийгмийн даатгалын шимтгэлээ төлөгч нарт мөн адил буцаан олголт өгнө. Энэхүү буцаан олголт газрын тос болон уул уурхай, ашигт малтмалын салбарт ажилладаг иргэдэд хамаарахгүй.