Сүхбаатар дүүргийн Засаг даргын Тамгын газраас Шангри Ла худалдааны төвийн яг хажууд баригдсан ТҮЦ-ийг нүүлгэн шилжүүлэх үүрэг өгч өнөөдөр тус ТҮЦ-ийг буулгалаа.  Тус ТҮЦ-ийг нийтийн эзэмшлийн зам талбай буюу явган хүний зам дээр байрлуулсан, мөн авто машины үзэгдэх орчныг хязгаарлаж байгаа тул дээрх ТҮЦ-ийг ийнхүү буулгажээ. ТҮЦ нь ямар нэгэн тусгай зөвшөөрөл шаардахгүйгээр үйл ажиллагаа явуулах боломжтой үйлчилгээний нэг бөгөөд Улаанбаатар хотын Захирагчийн ажлын албанаас байрлуулах зөвшөөрлийг өгдөг юм байна. Өнөөдрийн байдлаар тус албанаас дүүргүүдэд түргэн үйлчилгээний цэг байршуулах холбогдох журмыг баталж ирүүлээгүй байна.