“Улаанбаатар дулааны сүлжээ” ТӨХК Улаанбаатар хотод дулааны шугамын засвар, шинэчлэлийн ажил хийгдэж буйтай холбогдуулан гурав дахь удаагийн зогсолт буюу 12 хоног дулааны шугамд засвар хийх байршлыг олон нийтэд мэдээллээ.

2022 оны зургадугаар сарын 2-ноос 14-ний хооронд СОТ-3 салаа Говь-1, Вокзал, Наранбулаг, Төмөр замын эмнэлэг, Богд-Ар хороолол, төмөр зам орчим, 2, 3, 4, 6 дугаар бичил хороолол, "Өргөө" кинотеатр, Хөгжил хотхон, Төв гандан хийд, Эх нялхсын эрүүл мэндийн төв, МҮОНРТ орчмын хэрэглэгчдийн халуун усыг хязгаарлах юм байна. Засварын үеэр дулааны шугам тоноглол болон хэрэглэгчийн дулааны оруулгад ээлжит засвар үйлчилгээ, нягтын шахалт хийнэ.