“Гэм зэмгүй мусульман” кинонд тоглосон жүжигчин Синди Ли Гарсиа киног бүтээгч Накула Бассли Накула биднийг залилан мэхэлсэн  гэж шүүхэд өгчээ. Түүний шүүхэд мэдүүлснээр бол зураг авч байх үед Накула киноныхоо жинхэнэ агуулгыг уран бүтээлчдэд нэг ч удаа хэлээгүй гэнэ. Жүжигчдэд өгсөн зохиолоор бол зөнч Мухаммедыг огт дурдаагүй, шашны болон бэлгийн харьцааны тухай ямар ч зүйл байгаагүй юмсанж. Харин “Цөлийн дайчид” гэдэг кино гээд дундад зууны үеийн Египетийн тухай үйл явдалтай гэж тайлбарлажээ. Тэгээд зургаа авч дуусаад уран бүтээлчиддээ мэдэгдэлгүй өөр жүжигчдээр дуу оруулсан байна гэж мэдүүлсэн аж. Ийм болохоор кино нь исламын эсрэг болсныг жүжигчин С.Гарсия огт мэдээгүй гэж өмгөөлөгч Крис Армент нь хэлсэн байна.
Жүжигчин С.Гарсия бас Youtube сайтаар 14 минутын киногоо гаргахыг хориглохыг хүссэн байна. Жүжигчний өмгөөлөгчийн хэлснээр энэ киног гарсны дараагаар С.Гарсиаг удаа дараа заналхийлж байгаа гэнэ.