Гүржийн Дотоод хэргийн сайд Бачо Ахалая шоронгийн хянагч нар хоригдлуудтай зүй бусаар харьцсан хэргийн улмаас албан тушаалаасаа огцорлоо. Түүний албан тушаалд орлогч сайд нь байсан Екатерина Згуладзе томилогдсон байна. “ Би манай оронд, ялангуяа Глданы шоронд ийм гэмт хэрэг гарсан болохоор иргэн хүний хувьд ийм шийдвэр гаргалаа. Хэдийгээр би шүүхийн шийдвэр гүйцэтгэлийн ажлыг шууд хариуцдаггүй боловч миний удирдаж байгаа системийн байгууллагад ийм явдал гарсан нь ийм шийдвэр гаргахад хүргэлээ” гэж Бачо Ахалаи хэлсэн байна.
Глданы шоронд хянагчаар ажиллаж байсан Владимир Бедукадзе гэгэч шоронгийн хянагчид хоригдлуудыг зүй бусаар тамлан зовоож, хэрцгийгээр зодож байгаа бичлэгийгг телевизийн сувагт өгч цацуулсан нь Гүрж даяар олон нийтийн эсэргүүцлийн хөдөлгөөн өрнөхөд хүргээд байгаа юм.