Исламын эсрэг хийсэн “Гэм зэмгүй мусульман” кино нь алан хядагчдын зүгээс АНУ-ын эсрэг хийх дайралтын гол шалтаг болж байна гэж АНУ-ын ерөнхийлөгч Барак Обама мэдэгдлээ. Тэрээр Ливи, Египетэд АНУ-ын дипломат төлөөлөгчийн газар луу хийсэн дайралтын талаарх мөрдөн шалгах ажлын явцын талаар хэлээгүй ч энэ дайралтын ард “Аль Кайда” бүлэглэл байгаа гэсэн байна. “Гэм зэмгүй мусульман” кино интернетэд орсны дараа Ойрхи дорнодын болон хойд африкийн орнуудад америкийн ЭСЯ-ны  байрны нь дэргэд жагсаал цуглаан хийж халдаж эхлээд байгаа юм. Үүнээс болж АНУ, Франц зэрэг орнууд лалын шашинт орнуудад байгаа ЭСЯ-аа богино хугацаагаар хаахад хүрсэн юм.