Нийслэлийн удирдах ажилтнуудын шуурхай зөвлөгөөн өнөөдөр/2022.09.05/ боллоо. Энэ үеэр Нийслэлийн Засаг дарга бөгөөд Улаанбаатар хотын Захирагч Д.Сумъяабазар холбогдох албан тушаалтнуудаас өвөлжилтийн бэлтгэл ажлыг тодрууллаа.

 

Нийслэлийн нийтийн тээврийн газрын дарга Ч.Сайханбаяр: Энэ оны эцсээр 556 тээврийн хэрэгсэл хасагдахаар байгаа. Нийтийн тээврийн салбарт 590 тээврийн хэрэгслийг худалдаж авах хэрэгцээ шаардлага үүссэн гэв.

Харин Нийслэлийн Засаг дарга бөгөөд Улаанбаатар хотын Захирагч Д.Сумъяабазар: Муу ч, сайн ч автобуснуудаа угаалга. Хуучин ч гэсэн угаалгаад бай. Ядахдаа он дуусах хүртэл цэвэрхэн тоос шороогүй явуулаад бай. Наана нь холбогдох хүмүүстэй ярилцаж байгаад эхний ээлжид 200-300 ширхгээр нь татаж авах ажлыг эрчимжүүлж байна. Таны хийх ажил бол хуучин автобуснуудаа өдөр болгон угаах. Өдөрт хоёр удаа угаалгаадах. Энэ чинь автобус шүү дээ. Би ямар гудамж талбай цэвэрлэ гэж байгаа биш гэлээ.