Гамшгаас хамгаалах команд штабын сургуулилт, дадлага зохион байгуулж буй учраас өнөөдөр/2022.09.23/ буюу Баасан гаригийн 06:00-09:00 цагийн хооронд Хүнсний 4-р дэлгүүрээс баруун тийш СУИС хүртэлх замын хөдөлгөөнийг хэсэгчлэн түр хаана. Тиймээс иргэд энэ чиглэлд явах бол явган эсвэл бусад замыг сонгон хөдөлгөөнд оролцохыг Сүхбаатар дүүргийн онцгой комиссоос мэдээллээ. Мөн маргааш "Машингүй өдөр" учраас “Хотын төвийн буюу Их тойруу доторх гол гудамж, замууд хаагдах үед нийтийн зорчигч тээврийн үйлчилгээний чиглэлүүд хойгуураа буюу Их тойруугийн гудамжаар явах бол урдуураа буюу Нарны зам, Намъяанжугийн гудамжаар явах юм. Харин хойноос урагш болон урдаас хойш явдаг босоо чиглэлүүд Баруун 4 зам, Нарны гүүр, Зүүн 4 замаар үйлчилж, 18:00 цагаас хойш үндсэн замналаар үйлчилгээ үргэлжилнэ. Энхтайваны өргөн чөлөөний Баруун 4 замаас Зүүн 4 зам хүртэлх хэсгийн хөдөлгөөн хаагдах тул тухайн өдөр Т:2 "5 шар – Ботаник", Т:4 " Ботаник-Вокзал", Т:5 "3,4 хороолол-Офицеруудын ордон" чиглэлийн троллейбус түр хугацаанд зогсохыг анхааруулж байна” гэж нийслэлийн Нийтийн тээврийн газрын Тээвэр, төлөвлөлтийн хэлтсийн дарга С.Цэцэгмаа хэллээ.