Хөдөлмөрийн зах зээлийн мэдээлэл гаргагч, хэрэглэгчид, бодлого боловсруулагчид, судлаач, эрдэмтдэд “Хөдөлмөрийн статистикийн аргачлал болон өнөөгийн байдал”-ыг танилцуулах сургалт өнөөдөр аймгийн Засаг даргын тамгын газрын хурлын танхимд боллоо. Сургалтын нээлтэд Аймгийн Засаг Даргын орлогч Д.Жаргалсайхан, Үндэсний Статистикийн Хорооны Бодлого, хамтын ажиллагааны газрын дарга Б.Саранчимэг, Олон Улсын Хөдөлмөрийн байгууллагын Монгол Улсын үндэсний зохицуулагч П.Болормаа, Булган аймгийн статистикийн хэлтсийн дарга М.Мөнхбат нар оролцсон.

Сургалтанд төрийн байгууллагуудын хөдөлмөрийн бүтээмж болон хөдөлмөр хамгаалал, статистик мэдээ, мэдээлэл хариуцсан албан хаагчид оролцлоо.