НУТГИЙН ӨӨРӨӨ УДИРДАХ БАЙГУУЛЛАГА БАЙГУУЛАГДСАНЫ 30 ЖИЛИЙН ОЙ ТОХИОЖ БАЙНА /11 сарын 07/ : Даваа гараг бүр уламжлал ёсоор болдог шуурхай хурал болж дараах асуудлуудыг хэлэлцлээ. Онцгой байдлын газрын цаг үеийн мэдээлэл, Булган сумын ЗДТГ-ын цаг үеийн асуудал, ЭМГ-ын эрт илрүүлэгийн явц, томуугийн вакцины талаар , аймгийн хэмжээнд голын гольдрол, улсын чанартай зам дагуух хог хаягдлыг цэвэрлэсэн ажлын мэдээлэл зэргийг холбогдох албаныхан танилцуулсан. Улсын хэмжээнд томуугийн идэвхижилийн үе ирсэн учраас нийт орон нутгийн хэмжээнд дэгдэлт их 8,5 хувьтай байна. Аймгийн хэмжээнд 9760 томуугийн вакцин ирсэнээс бүх сумдын хүрээнд 80 гаруй хувьтай иргэд томуугийн вакциндаа хамрагджээ. Харин иргэдийн эрт илрүүлэгийн шинжилгээндээ хамрагдалт сумдын хувьд харилцан адилгүй байгаа бөгөөд Бүрэгхангай сум хангалтгүй байна. Удирдах шатны шуурхай хуралд АИТХ-ын дарга Д.Эрдэнэбат оролцож Монгол улсад шинэ Үндсэн хууль болон Нутгийн өөрөө удирдах шатны байгууллагын 30 жилийн ой тохиож буйтай холбогдуулан хэлтэс, агентлагын удирдлагуудад арга хэмжээний төлөвлөгөө бодлого шийдвэрийн тухай танилцууллаа. Уг ажлын хүрээнд онол практикийн бага хурлыг зохион байгуулж, гурван үеийн уулзалт, АИТХ-ын хүндэтгэлийн хуралдаан болон иргэдэд хурлын байгууллагын танилцуулга ,бодлого шийдвэрийн 30 жилийн түүхийг дэлгэн харуулж танилцуулах ажээ.