СХД-ийн Ардчилсан намын ХЭГ-ын дарга Б.Парчин: Жүжигчин У.Цогтбаяр Хуульзүйн сайд Х.Нямбаатараас 100 сая төгрөг авсан гэдгээ хэлсэн. Гэтэл Х.Нямбаатар 100 сая төгрөгний зардлыг сонгуулийн хураангуй тайландаа тусгаагүй байна. Эргүүлэн татагдах нөхцөл ч бүрдэхээр байна.

Зохиолын найруулагч, ерөнхий афтер бол нөхөр Хууль зүйн сайд Хишгээгийн Нямбаатар гэж олон нийт үзэж байгааг сошиалаас болон олон нийтийн сэтгэгдэлээс бид харж байна. Жүжигчин У.Цогтбаяр Хуульзүйн сайд Х.Нямбаатараас 100 сая төгрөг авсан гэдгээ Үнэн ба зөв намын дарга А.Отгонбаатарын лайвын үеэр хэлсэн. Тухайн жүжигчин бол жүжигчнийхээ үүргийг гүйцэтгээд ажлынхаа хөлсийг авсан байх. Гэтэл тухайн хүнийг иргэдэд, залуучуудад тэр тусмаа СХД-ийн иргэд сонгогчдод нөлөөлөл бий болгосон хөлсийг өгөх дөө тухайн хүнийг хөлсөлсөн бол, сонгуулиар ажилласан ухуулагч нар, сонгуулийн штабын ажилчдын хоол ундны зардлыг хүртэл сонгуулийн штабын тайландаа оруулах ёстой. Гэтэл тэр 100 сая төгрөгний зардлыг хураангуй тайландаа тусгаагүй байна. Тэр хамаатан садан өгсөн байна уу, Австралид ажиллаж амьдардаг байна уу огт хамаагүй зүйл. Тухайн хүний хандивласан 15 сая хүртэлх төгрөгийг тайлагнах ёстой. Хуулиар заагаад өгсөн байдаг. Тухайн УИХ-ын гишүүн, УИХ-ын сонгуульд өрсөлдөж байгаа Х.Нямбаатар өнөөдөр тайландаа тусгаагүй байгаа нь өөрөө цааш нь өргөдөл гомдол өгөөд шалгаад явах юм бол нэр нь татагдах хэмжээний зөрчил байна гэж СХД-ийн Ардчилсан намын мянга мянган гишүүд дэмжигчид дамжуулсныг өнөөдөр би энэ хэвлэлийн хурлаар уламжилж байна. Цаашдаа иргэн Х.Нямбаатартай СХД-ийн Ардчилсан нам үнэхээр шударга өрсөлдөөн болсон эсэхийг шалгана. Нягталж үзнэ гэж хэвлэл мэдээллийн хэрэгслээр уламжилж байна. Тухайн 100 сая төгрөгний нөхцөл байдлыг ахин дэлгэрэнгүй тайлагнана уу гэж шаардаж байна. Үгүй бол хэвлэл мэдээллийн байгууллага, хууль хүчний байгууллагаар өргөдөл гомдол өгч шалгуулахад СХД-ийн Ардчилсан намын гишүүд дэмжигчид бэлэн байна гэдгийг уламжлая" гэлээ