2006 онд Кот-д’Ивуар улсад олон мянган хүн аюултай бодисонд хордсоны бурууг Өрнөдийн орнуудын Засгийн газар хүлээх ёстой гэсэн дүгнэлтийг “Amnesty International”, “Greenpeace” гэсэн байгууллага гаргажээ. Тодруулбал, Англи, Голланд улсын Засгийн газар буруутай ажээ. Учир нь, тэднийг аюултай хаягдлыг өөрийн улсаас нууцаар гарган өөр улсын ус, хөрсөнд асган хордуулж байсныг мэдсэн ч, мэдээгүй царайлж өнгөрсөн  гэж үзжээ. 2006 онд “Trafigura” компанийн түрээслэсэн “Пробо Коала” нэртэй усан онгоц 500 гаруй тонн маш аюултай хаягдлыг Кот-д’Ивуар улсын нийслэлээс холгүй асгасны улмаас олон мянган хүн хордсон юм. “Trafigura” компани энэ хэрэгт өөрийгөө хамаагүй гэж мэдэгдсэн ч хордсон хүмүүст нөхөн төлбөр болгож, 134 сая евро төлөөд, өөрсдийгөө буруугүй гэж үзэх саналыг тавьж байсан билээ. Одоогоор хордсон гэх 30 мянга гаруй хүн шүүхэд хандан гомдол гаргаад байгаа аж.