Сенкаку арлуудын талаархи Япон ба БНХАУ хоорондын маргаан тасраагүй байтал Тайвань бас оролцож эхэлжээ. Тайваны загас агнуурын 40 гаруй усан онгоц, харуулын найман усан онгоцын хамгаалалттайгаар Сенкаку арлуудын орчим Японы далайн хилийг зөрчин орж загас агнав. Ингэснээр Тайваны тал нь Сенкаку арлыг  зөвхөн өөрийн газар гэж үзэж байдгаа харууллаа. Далайн хилийг зөрчсөн болохоор Японы хамгаалалтын усан онгоцууд ус шүршигч хэрэглэн тайваньчуудыг өөрийн хилийн бүсээсээ хөөн гаргав. БНХАУ-ын 110 гаруй загас агнуурын хөлөг мөн л хамгаалалтын усан онгоцуудын хамт Сенкаку арлуудын орчим загас агнаж байгаа ч Японы далайн хилийг зөрчөөгүй юм. Тайвань буюу Бүгд Найрамдах Хятад Улсыг иргэний дайнд коммунист үзэлтэй нанхиадууддаа ялагдсан Гоминданы намын талыг баримтлагч нанхиад иргэд байгуулсан билээ.