Өнгөрсөн жил Адены буланд газрын тос тээвэрлэгч усан онгоц руу дайралт хийх гэж байсан Сомалийн долоон далайн дээрэмчин Малайзын Тэнгисийн цэргийн хүчинд баривчлагдсан юм. Эдгээр дээрэмчдийг шүүх ажил Малайзид эхэллээ. Хэрэг хэдийгээр Малайзаас алс хол, тус улсын компани түрээслэн авсан гадаадын усан онгоцонд гарсан ч шүүх эрхтэй гэсэн дүгнэлтийг энэ улсын Үндсэн хуулийн цэц гаргасан байна. Дээрэмчдийг Малайзын цэргийн албан хаагчдын эсрэг галт зэвсэг хэрэглэсэн гэж буруутгаж байгаа аж. Малайзын хуулиар цэргийн албан хаагчдын эсрэг зэвсэг хэрэглэсэн хүнийг цаазаар авах ялтай. Энэ бол Сомалийн далайн дээрэмчдийг Ази тивд шүүж байгаа хамгийн анхны тохиолдол юм.