МАН-ын дэргэдэх Нийгмийн ардчилал Монголын эмэгтэйчүүдийн холбоо өнөөдөр ээлжит бус их хурлаар нэрээ Монголын социал демократ эмэгтэйчүүдийн холбоо болгон өөрчилсөн талаар бид мэдээлсэн. Их хурлаар дүрмийн өөрчлөлтөөс гадна холбооны бүтэц зохион байгуулалтыг шинэчлэх, ерөнхийлөгчийг шинээр сонгох асуудал тусгагдсан. 

Хуралд оролцсон 410 төлөөлөгчийн саналаар УИХ-ын гишүүн, Боомтын асуудал эрхэлсэн сайд Х.Булгантуяаг Монголын Социал демократ эмэгтэйчүүдийн холбооны ерөнхийлөгчөөр сонгожээ. Түүнтэй тус холбооны одоогийн тэргүүн УИХ-ын гишүүн Д.Сарангэрэл өрсөлдсөн ч өөрийн хүсэлтээр нэрээ татсан ажээ.