Жил бүрийн 5, 10 дугаар сарын хоёр дахь долоо хоногийн бямба гарагийг бүх нийтээр мод тарих үндэсний өдөр болгон Ерөнхийлөгч асан Ц.Элбэгдорж 2010 онд зарлиг гаргасан. Энэ дагуу Мод тарих үндэсний өдөр энэ бямба гарагт /05.13/ тохиож байна. Энэ жил нийслэлийн хэмжээнд 185 мянган ширхэг мод, гоёлын бут сөөгийг нийтийн эзэмшлийн гудамж, талбайд тарина. Улаанбаатар хотын Ерөнхий менежер М.Баяраа өнөөдөр ногоон байгууламжийн арчилгааны 21, мод үржүүлгийн 15 аж ахуйн нэгжийн төлөөлөлтэй өглөөний уулзалт хийж байна.