Сүхбаатар дүүргийн наймдугаар хорооны нутаг дэвсгэр буюу Багшийн дээд сургуулийн уулзвараас ШУТИС-ийн уулзвар хүртэлх авто замын хөдөлгөөнийг хязгаарлаж, засварын ажил гүйцэтгэх гэж байна.

Тус замын хөдөлгөөнийг өнөөдөр буюу наймдугаар сарын 11-ний 23:00 цагаас 14-ний 06:00 цаг хүртэл хааж, хучилт хийнэ.

Мөн авто замын ажлын хүрээнд тэгш байдал алдагдсан, суулт үүссэн замын хашлагыг асфальт бетон хучилтын түвшинд тааруулан засварлах юм. Иймд иргэд, жолооч нар бусад замыг сонгон хөдөлгөөнд оролцохыг анхааруулав.