Өнөөдөр нийслэлд тарваган тахал өвчний сэжигтэй гурван тохиолдол бүртгэгджээ. Энэ талаар ЗӨСҮТ-ээс тодруулахад "Дээрх сэжигтэй тохиолдлууд Хэнтий болон Сүхбаатар аймгуудад тарваган тахал өвчний халдварын эрсдэлд өртөж, зөөвөрлөгдөн ирсэн, тарваганы мах идсэн, тарвага өвчсөн өгүүлэмжтэй байна. Түүнчлэн ЗӨСҮТ, ХӨСҮТ-ийн хамтарсан баг хариу арга хэмжээг зохион байгуулан ажиллаж байна. Оношийг баталгаажуулах лабораторийн шинжилгээ хийгдэж буй. Шинжилгээний хариу өнөөдрийн 18:00 цагт багтаж гарна" гэлээ. 

Наймдугаар сарын 8-ны өдөр Улаанбаатар хотод тарваган тахал өвчний нэг тохиолдол бүртгэгдсэн бөгөөд онош нь батлагдсан билээ.