2023 оны аравдугаар сарын 3-нд Дорноговь аймгийн Сайншанд сумаас алга болсон 12 настай охиныг эрэн хайх ажиллагаа үргэлжилж байна. Охин алга болоод одоогийн байдлаар /2023.10.06-ны 09.00 цаг/ 73 цаг өнгөрлөө. Одоогоор хоёр аймгийн гурван суманд 500 гаруй километрийг хамруулан эрэн хайх ажлыг хийж байна хэмээн Дорноговь аймгийн Урьдчилан сэргийлэх хэлтсийн чиглэлийн ахлах мэргэжилтэн н.Ганзориг мэдээллээ. Одоогоор эрэн хайх ажиллагаанд нийт 74 алба хаагч ажиллаж байгаа юм. Мөн өнөө өглөөнөөс /2023.10.06/ Дорноговь аймгийн Засаг дарга О.Батжаргалаар ахлуулсан 24 тээврийн хэрэгсэл, 120 албан хаагчтай баг эрэн хайх ажиллагаанд хүч нэмэгдүүлэн ажиллахаар болсон байна.
