Өнөөдөр өглөө хотын ихэнх хэсэгт газтай төстэй үнэр үнэртэж байгаа талаар иргэд олон нийтийн сүлжээнд бичиж байна.

Мөн Налайхын төмрийн үйлдвэрт дэлбэрэлт болж, газ алдагджээ гэх мэдээлэл ч гараад байгаа юм. Энэ талаар Нийслэлийн онцгой байдлын газраас тодруулахад "Налайх дүүрэгт төмрийн үйлдвэрийн газ дэлбэрсэн дуудлага ирээгүй. Нийслэлийн хэмжээнд өнгөрсөн шөнө гал түймрийн гурван дуудлагатай хоносон. Хот даяар үнэртэж буй энэхүү үнэрийн учир шалтгааныг тодруулахаар ажиллаж байна.  Иргэдийг цонхоо онгойлгохгүй байх, маск зүүхийг зөвлөж байна" гэлээ.