Зариг.мн сайтын эрхлэгч Н.Өнөрцэцэгт холбогдох хэргийн шүүх хурал өнгөрсөн баасан гаригт Сонгинохайрхан дүүргийн Эрүүгийн хэргийн анхан шатны шүүхэд болсон. Прокурор шүүхэд Н.Өнөрцэцэгийг 1 сар цагдан хорих санал ирүүлснийг шүүх татгалзаж шийдвэрлэсэн байдаг.

Тэгвэл өнөөдөр прокуророос шүүхийн дээрх шийдвэрийг эсэргүүцээд Ерөнхий шүүгчид гомдол гаргасан байна. Уг гомдлын дагуу шүүх хурал дөнгөж сая болж дуусан. Шүүхээс прокурорын саналыг үндэслэлтэй гэж үзээд Н.Өнөрцэцэгийг нэг сар цагдан хорих шийдвэр гаргажээ.