Эдийн засаг, хөгжлийн сайд Ч.Хүрэлбаатар Засгийн газрын хуралдааны дараа мэдээлэл хийлээ. Тэрээр "Өнөөдрийн хуралдаанаар Засгийн газар ирж буй 2024 оныг Бүсчилсэн хөгжлийг дэмжих жил болгон зарлалаа. Бид бүсчилсэн хөгжлийн талаар ярьдаг ч бодитой арга хэмжээ авч чаддаггүй. Нийт хүн амын 47 хувь нийслэлд 53 хувь нь орон нутагт байдаг. ДНБ-ий 63 хувь нь нийслэлд, 37 хувь нь орон нутагт байдаг. Тиймээс нэг газар төвлөрөхөөр утаа, хөрсний бохирдол, түгжрэл зэрэг асуудал гарч байгаа тул Монгол Улсын хөгжлийг түргэсгэхийн тулд бүсчилсэн хөгжлийг нэвтрүүлж, хэрэгжлүүлж, бодитой ажиллах шаардлагатай гэж Засгийн газар үзлээ" гэв.