Даваа гарагт Гүржид болсон парламентын сонгуулийн саналын хуудасны 94,05 хувийг тоолсон дүнгээс үзвэл сөрөг хүчний “Гүржийн мөрөөдөл” эвсэл 55,08 хувийн санал авч, өнөөгийн ерөнхийлөгч Саакашвилийн  нам 40,14 хувийн санал авчээ.
Өнгөрсөн шөнийн байдлаар сонгуулийн 3766 хэсгээс 3480 нь саналын хуудсаа тоолж  дүнгээ гаргаад байгаа юм байна.
Энэ удаагийн сонгуулиар Гүржийн парламентын 150 гишүүний 77-г нь намын жагсаалтаар, 73-ыг нь можаритоар системээр буюу шууд санал хураалтаар сонгох юм. Нэг мандаттай 73 тойргоос “Гүржийн мөрөөдөл” эвсэл 38 суудал аваад байгаа бол Саакашвилийн талынхан 35 суудал авсан байна.  Хууль тогтоох дээд байгууллага парламентаа дөрвөн жилийн хугацаатай сонгох энэ сонгуульд гүржийн нийт сонгогчдын 61 хувь нь оролцжээ.