Ираны үндэсний мөнгөн тэмдэгт риалын ханш унасаар байгааг эсэргүүцсэн олон нийтийн жагсаал нийслэл Тегеран хотод боллоо. Жагссан олон зуун хүн ерөнхийлөгч Махмуд Ахмадинежадыг урвагч гээд албан тушаалаасаа зайлахыг уриалсан байна. Жагсагчдын эсрэг цагдаагийнхан бороохой, нулимс асгаруулагч хий ашиглаж зарим хүнийг баривчилжээ.
Риалын доллартай харьцах ханш улам буурч өнгөрсөн долоо хоногоос хойш ираны валютын бараг гуравны нэг хувь нь унажээ. Шинжээчдийн үзэж байгаагаар энэ нь Ираны цөмийн хөтөлбөрөөс болоод АНУ болон, Европын холбооны орнууд иранд хориг тавьсантай холбоотой юм байна.