Гүржид болсон парламентын сонгуулиар хууль тогтоох байгууллагад олонхи болоод байгаа сөрөг хүчин “Гүржийн мөрөөдөл” эвслийн тэргүүн Бидзин Иванишвили өнөөгийн засгийн газар тун ядмагхан өв үлдээж байгааг дурдсан байна. Тэрээр “Үүнийг энгийн нүдээр ч харж болно. Сангийн яам, үндэсний банк гээд хаана байна аа. Энэ жилийн төсвийг яаж бүрдүүлэх юм бол. Хуучны Засаг төр олон тоо яриад л байдаг, бодит байдалд дээр огт өөр  байна шүү дээ” гэсэн байна.
Тэр бас оростой харилцах харилцааны талаар “Москва, Тбилисийн харилцааны өнөөгийн байдлын хамаг гол буруу мэдээж Саакашвилид байгаа, одоо харилцаа зогсонги байдалд орсон уу гэвэл орсон. Гэхдээ бид үүнээс гарах ёстой” гэжээ. Үүнийг сэргээхийн тулд хамгийн багаар бодоход л эхлээд соёл, худалдааг ямар ч нэг  нөхцөлгүйгээр  сэргээх хэрэгтэй гэсэн байна.