Нефтийн  үнэ баррель нь өнгөрсөн дөрвөн жилд 80 доллар байснаа одоо 60 доллар болчихоод байгаагаас үзэхэд Оросын нөөцийн сангийн хөрөнгө жил хагасын дараа барагдана гэж  “РБК daily” сонин ОХУ-ын Сангийн дэд сайд Алексей Моисеевын хэлснээс иш татан мэдээлжээ.  Эдийн засгийн хямрал 2013 онд эхлэх юм бол байдал улам төвөгтэй болох юм байна. Оросын нөөцийн сан ДНБ-ний дөрвөн хувьтай тэнцэж байгаа ч Засгийн газар үндэсний нийгмийн хамгааллын санд ашиглах л болно. Тэгэхээр хямрал хэдэн жилийн дараа эхэлдэг юм,  энэ хугацаанд нөөцийн санг арвижуулах хэрэгтэй болно.
Харин Эдийн засгийн хөгжлийн дэд сайд Андрей Клепач хэвлэлд өгсөн ярилцлагадаа нөөцийн сан ДНБ-ний таван хувьтай тэнцэж байгаа нь харьцангуй өндөр үзүүлэлт гэсэн байна. 2012 оны есдүгээр сард Нөөцийн санд 1,953 их наяд  рубль байгаа нь наймдугаар сард 26 тэрбум төгрөгөөр өссөн үзүүлэлт юм. Нийгмийн хамгааллын сан ч 29 тэрбум төгргөөр өсч 2,772 их наяд рубльд хүрсэн байна. Нөөцийн сан үндсэндээ нефть, байгалийн хийн орлогос бүрдэж байгаа. Засгийн газрын зорилго бол нөөцийн санг ДНБ-ний долоон хувьд хүргээд цаашдаа талыг нь төсвийн зарлагад зарах бодолтой байгаа юм. Тэгэхээр Сангийн яамны тооцоогоор бол 2013 он гэхэд л ДНБ-ний долоон хувьд хүрэхээр байгаа юм байна.