Гүржийн парламентын сонгуульд ялаад байгаа “Гүржийн мөрөөдөл” эвслийн тэргүүн Бидзин Иванишвили ирэх  онд болох Ерөнхийлөгчийн сонгуульд сөрөг хүчнээс нэр дэвших хүн нь Вахтанг Хмаладзе байж болно гэсэн байна. “Ерөнхийлөгчид нэр дэвших хүнийг ярихад эрт байна, гэхдээ Ерөнхийлөгчийн сонгууль өнөөдөр болох юм бол би Вахтанг Хмаладзег дэвшүүлэх байна” гэж Иванишвили хэвлэлийн бага хурал дээр хэлжээ. Гэхдээ тэр бас энэ санаа нь өөрчлөгдөхийг үгүйсгэсэнгүй.
Тэрээр шинэ байгуулах Засгийн газрынхаа бүрэлдэхүүний хүмүүсийг нэрлээд аравдугаар сарын 20-21-нд парламентын анхдугаар хуралдаанаар батлуулна гэсэн байна. Тэр хүртэл одоогийн Засгийн газар ялсан сөрөг хүчний хяналт дор үйл ажиллагаагаа явуулах юм. Даваа гарагаас бүх яаманд сөрөг хүчний ажлын хэсэг очиж ажиллаж эхэлжээ. Гүржид болсон парламентын сонгуулиар сөрөг хүчний “Гүржийн мөрөөдөл” эвсэл 150 суудлаас 83 мандат авсан бол Ерөнхийлөгч Саакашвилийн тэргүүлдэг хуучин эрх баригч нам 67 суудал аваад байгаа юм.