Энэ хичээлийн жил гурван улиралтай байх бөгөөд улирлын сүүлийн долоо хоногт IV-XII дугаар ангийн сурагчдын анги дэвших, сургууль төгсөх үнэлгээг хийхээр баталжээ. Түүнчлэн хичээлийн жилийн 18 дахь долоо хоногт X-XII дугаар ангийн сурагчдыг цахимаар хичээллүүлэхээр болсон. Үүний дагуу арванхоёрдугаар сарын 30-наас, нэгдүгээр сарын 03-н хүртэлх хугацаанд ерөнхий боловсролын сургуулийн X-XII ангийн сурагчид цахимаар хичээллэнэ. Боловсролын яамнаас цахим сургалтын долоо хоногийн хуваарийг танилцуулав.

Тухайлбал, онлайн (синхрон) сургалт, хэлэлцүүлгийн хуваарь гаргах

• Нэгдүгээр улирлын хичээлийн хуваарьт суурилан багш, анги тус бүрээр зохион байгуулна.
• Сургууль болон судлагдахууны онцлогоос хамааран зарим хичээлээр синхрон сургалт зохион байгуулахгүй байж болно.

Онлайн (синхрон) сургалтын зохион байгуулалт

• Нэг өдрийн синхрон хичээлийн ачаалал суралцагч, багш тус бүрт 2 цагаас хэтрэхгүй байхаар тооцоолох.

Судлагдахууны хичээлийн цагийн төлөвлөлт:

• 7 хоногт 1 цаг ордог хичээл – 30 минут
• 7 хоногт 2 цаг ордог хичээл – 1 цаг
• 7 хоногт 3-4 цаг ордог хичээл – 1 цаг 30 минут7 хоногт 5-6 цаг ордог хичээл – 2 цаг
• Синхрон сургалтын үед суралцагчдын хувийн оролцоог нэмэгдүүлэх, харилцан ярилцах боломжийг хангах.
• Үлдсэн хичээлийн агуулгыг суралцагчид бие даан судлах асинхрон хэлбэрээр зохион байгуулах боломжтой.