Монголын олс таталтын холбооны  ерөнхийлөгч Б.Баттулга, ерөнхий дасгалжуулагч Б.Адьяахүү нараар удирдуулсан Монголын олс таталтын шигшээ багийн тамирчид Азийн АШТ-д оролцохоор  БНСУ-ыг зорилоо. Азийн АШТ энэ сарын 12-14-нд тус улсын нийслэл Сөүлд болох юм. Монгол оронд олс таталтын спорт үүсч хөгжөөд удаагүй хэрнээ манай тамирчид тивдээ ширүүн өрсөлдөгчийн тоонд зүй ёсоор багтах болж, Азийн АШТ-ээс мөнгө, хүрэл медаль хүртээд байгаа юм.