ОХУ-ын Сочи хотноо болох өвлийн олимпын бамбарыг Оросын 130 орчим сая хүн бүгд нүдээрээ үзэх боломжтой гэж Олимп зохион байгуулах хороо мэдээлж байна. Олимпын бамбар хамгийн баруун цэг Калининградаас Владивосток хүртэл Оросын 83 бүс нутгаар бүгдээр нь орж өдөрт 534 км зам туулан нийт 2900 хот суурин газарт хүрэлцэн очихоос гадна Эльбрусын оргилд гарч, Байгаль далайн ёроолд “зочилно” гэж зохион байгуулах хороон дарга Дмитрий Чернышенко хэлж байна.