АНУ-ын зүүн эрэг орчимд болж байсан хээрийн сургуулийн үеэр Тэнгисийн цэргийн хүчний “Сан-хасинто” хөлөг онгоц, усан доогуур явагч атомын “Монпелье” шумбагчтай мөргөлджээ. Ройтерс агентлагийн мэдээлснээр усан доогуур явагчийг хөлөг онгоцноос 150 метр орчим явж байхад нь “Ухраад” гэсэн команд өгснөөс ийм осол гарсан байна. Ослын үеэр хүний амь нас сүйдэж, бэртэж гэмтээгүй ч хөлөг онгоцны хайгуул мэдээллийн станц байрладаг хэсэгт гэмтэл гарсан байна. Атомын шумбагчид харин нэг их гэмтэл гараагүй гэж байна. Ослын учир шалтгааныг мөрдөн шалгах ажил эхэлжээ.