Арабын нэгдсэн Эмират улсын Абу Дабид олон улсын жүдо бөхийн холбооны гран при тэмцээн болж буй. Тус тэмцээнд 27 орны 130 гаруй жүдоч өрсөлдөж байгаагаас манай улсаас эрэгтэй, эмэгтэй дөрвөн жинд 11 тамирчин өрсөлдөж байна. Тэмцээний эхний өдөр татамид гарсан хүчтэнүүдээс  эрэгтэйчүүдийн 60 кг-д барилдсан ОУХМ Д.Амартүвшин, эмэгтэйчүүдийн 48 кг-д Г.Отгонцэцэг хүрэл медаль хүртсэн бол хоёр дахь өдөр эрэгтэйчүүдийн 73 кг-д ОУХМ Г.Одбаяр, эмэгтэйчүүдийн 63 кг-д зодоглосон Б.Мөнгөнчимэг нар хүрэл медаль хүртжээ. Харин тэмцээний сүүлийн өдөр буюу өнөөдөр эрэгтэйчүүдийн 90, -100, +100 кг, эмэгтэйчүүдийн -78, +78 кг-ын жингийн аваргууд тодорно. Манай тамирчдаас 90кг-д Б.Амбасэлмаа зодоглох юм.