Гаалийн байгууллага үүсч хөгжсөний 100 жилийн ойд зориулсан улс, аймгийн цолтой 224 бөхийн барилдаан өчигдөр Монгол бөхийн өргөөнөө боллоо. Тус барилдаанд Архангай аймгийн Хашаат сумын харьяат, Уулын баяжуулах “Эрдэнэт” үйлдвэрийн “Бөх билэгт” дэвжээ, “Ажнай” корпорацийн бөх, Монгол Улсын заан Ч.Санжаадамба түрүүлж, Завхан аймгийн Их Уул сумын харьяат “Алдар”спорт хорооны бөх улсын өсөх идэр начин Б.Гончигдамба үзүүрлэж, Улсын гарьд Ж.Бат-Эрдэнэ, улсын начин Б.Сангисүрэн нар шөвгийн дөрөвт үлджээ.