Словенийн Марибор хотод болсон өсвөрийн шатарчдын дэлхийн аварга шалгаруулах тэмцээн өндөрлөлөө. 91 орны 8-18 насны 1600 гаруй шатарчин оюун ухаанаа сорьсноос манай багийн охидын 18 насны ангилалд өрсөлдсөн олон улсын хэмжээний мастер А.Энхтуул хамгийн өндөр амжилт үзүүлж, 11 дүгээр байрт шалгарсан байна. Энэ нь манай багийн энэ удаад үзүүлж буй хамгийн өндөр амжилт болж буй. Харин хөвгүүдийн найман насны ангилалд Б.Ирмүүнтулга 12 дугаар байрт, охидын 12 насны ангилалд ФИДЕ мастер Д.Номин-Эрдэнэ 12 дугаар байрт шалгарчээ.

Д.Идэр