Жүдо бөхийн 2013 оны улсын аварга шалгаруулах тэмцээн Спортын төв ордонд эхэллээ. Тэмцээнд 22 байгууллагын 280 гаруй эрэгтэй, эмэгтэй тус бүр долоон жингийн ангилалд өрсөлдөж байна.
Өнөөдөр хөнгөн жингийн, тодруулбал, эрэгтэйчүүдийн 60, 66, 73 кг, эмэгтэйчүүдийн 48, 52, 57 ба 69 кг-ын жингийн аваргууд тодрох юм.
Энэ жилийн улсын аваргын 73 кг-ын жингийн өрсөлдөөнийг хамгийн ширүүн болно гэж таамаглаж байна. Учир нь Лондонгийн олимпийн хүрэл медальт, Гавьяат тамирчин С.Ням-Очир үндсэн жин болох 73 кг-д зодоглох бол дэлхийн аварга Х.Цагаанбаатар, “Мастерс”-ын аварга С.Мияарагчаа нар жин өгсч, уг жинд өрсөлдөхөөр болжээ. ОУХМ Д.Төмөрхүлэг мөн жин өгсч, 66 кг-ын жинд барилдах юм байна.