МҮСБХ-ны Үндэсний супер лигийн тэмцээн ирэх даваа гарагт нээлтээ хийх гэж байна. Энэ жилийн лигийн тэмцээнд долоон баг өрсөлдөхөөр болсон билээ. Оролцох багууд дор бүрнээ легионер тоглогчдыг багтаа нэгтгэхээр төлөвлөж, тэд лигийн хоёрдугаар тойргоос талбайд гарах юм. Тэгвэл “TLG13” багт хүч нэмэхээр Кен Блэк, Де Андре Браун нар энэ сарын 19-нд Монголд ирэхээр болжээ.
Кен Блэкийн хувьд өнгөрсөн жил тус багийн бүрэлдэхүүнд тоглож, гайхалтай тоглолтоороо Монголын сагсан бөмбөг сонирхогчдын танил болсон билээ. Харин Де Андре Браун нь 205 см өндөр, төвийн тоглогч гэнэ.  “Танан” болон бусад багийн легионер тоглогчид ч ирэх ням гарагт ирэхээр төлөвлөж байгаа аж.