Португалийн Соёлын сайд Жуан Суариш өөрийг нь шүүмжилдэг сэтгүүлчийг олж шийтгэнэ хэмээн фейсбүүк хуудсандаа бичсэний төлөө огцорсон байна. Сайд өнгөрсөн пүрэв гарагт фейсбүүк хуудсандаа өөрийнх нь ажлын талаар шүүмжилсэн “хоёр сэтгүүлчийг олох ёстой”, “тэдэнд эмчилгээний үрэл хүртээвэл зохино”, “Ингэх нь тэдэнд хэрэгтэй, надад ч тустай” гээд биччихсэн юмсанж.

  Олон нийт үүнийг нь интернетийн сүлжээгээр шүүмжилж эхлэнгүүт тэрээр үүнийхээ төлөө уучлал гуйсан ч нийгэм даяараа түүнийг огцрохыг шаардсан байна.
Португалийн ерөнхий сайд Антониу Кошта соёлын сайдынхаа үгний төлөө уучлал гуйгаад сайдууд засгийн газрын нүүр царай, нэр болж байгаагаа хэзээ ч мартах ёсгүй гэж тэмдэглэжээ.

Харин сайд Сауриш албан тушаалаасаа огцорч байгагаа мэдэгдээд, үзэл бодлоо илэрхийлэх эрхээсээ татгалзахгүй гэсэн байна.
Жуан Сауриш  нь Португалийн ерөнхийл сайдаар хоёр ч удаа ажиллаж, мөн ерөнхийлөгч байсан Мариу Сауришийн хүү юм байна.