Иргэд Үндсэн хуулиар олгогдсон эрхээ эдлэн төрийн түшээдийг сонгохдоо хийсэн юмтай, хэлэх үгтэй хүнийг ухамсартайгаар сонгодог. Гэтэл сонгогчдын ухамсартай сонголтоос айж бэргэсэн зарим нь гарцаагүй ялагдлаас бултах гэсэндээ хийж бүтээж чаддаг хүмүүсийг элдвээр гүтгэн дайрах нь хэрээс хэтэрч эхэллээ. Үүний нэг жишээ нь МАН-ын намаас Нийслэлийн иргэдийн төлөөлөгчдийн хуралд нэр дэвшигч Б. Цэрэн гэгчийн явуулж байгаа хар пи-арын давалгаа. Энэ хүн Монгол улсын баатар Э. Бат-Үүлтэй өрсөлдөж байгаа гэдгээрээ л хотынхонд танил болоод байгаа гэвэл үгүй гэж хэлэх хүн олон гарахгүй л байх. Иймд хийсэн, бүтээсэн юмтай Э.Бат-Үүлийг өөлөх юм олдохгүй болохоор арга бараад түүний хүү Б.Чулуудайг “гэмтэн”, “гэмт хэрэг үйлдсэн” гэх мэт мэдээг нийгэмд тараан хар пи-ар явуулах болов.

Үүнийг Б.Чулуудай нь өөрийнх нэр төрийг гутаах замаар сонгогчдыг өөртөө татах гэсэн авах увайгүй үйлдэл гэж үзээд шүүхэд хандаж байгаагаа өмгөөлөгчөөрөө дамжуулан албан ёсоор мэдэгдээ. мэдэгдэн хийсэн тул нэн даруй зогсоож, шударгаар өрсөлдөхийг шаардан Нийслэлийн Ардчилсан нам хэвлэлийн бага хурал хийлээ. Нэр хүнд нь халдашгүй байх үндсэн язгуур эрх бүхий Монгол улсын жирийн иргэний хувьд Хан-Уул дүүргийн 36 дугаар тойрогт нэр дэвшиж байгаа нэр бүхий хүмүүс, тэр дундаа Баасангийн Цэрэн гэдэг хүний олон нийтийн сүлжээ ба хэвлэл мэдээллийн бусад хэрэгслээр тараасан мэдэгдлээрээ Чулуудайн нэр хүндийг гутаасан, доромжилсан гэж үзэн цагдаагийн байгууллагад хандахаас өөр аргагүй болж байгаагаа өмгөөлөгчөөрөө дамжуулан мэдэгдэв.

Б.Чулуудайн өмгөөлөгч Б.Нямдорж

- Нэр дэвшигч Б.Цэрэн гээд байгаа хүний тарааж мэдэгдлээс гүтгэлийн шинж чанартай маш том асуудал гарч ирж байгаа. Үүнтэй холбоотойгоор хоёр зүйлийг онцолъё. Нэг талаас компани гэдэг нь Монгол улсын иргэний хуулинд зааснаар тусгайлсан өөрийн гэсэн эрх ба үүргийн эдэлдэг хуулийн этгээд. Нөгөө талаас банк, данс гэсэн хоёр асуудал гарч ирж байгаа. Тэгэхээр данс гэж юу вэ гэдийг тодруулбал банк эсвэл төлбөр тооцоо эрхэлдэг хүн, тухайн иргэн, хуулийн этгээд банкинд очиж данс нээхийг хэлж байгаа юм. Гэтэл миний үйлчлүүлэгч нь “Монгол HD” сувгаар гарч байсан нэвтрүүлгээр “Би найзтайгаа 2011 онд Сингапурт оффшор компани байгуулж байсан” гэж ярьсан болохоос харин оффшор дансны асуудал огт яриагүй. Улмаар “Монгол HD” сувгаар оффшор компаниудын тухай ярьсан атал нэр дэвшигч Б.Цэрэн болохоор оффшор данс гээд яриад явж байна.
Миний үйлчлүүлэгчийг ТВ сувгаар оффшор компанитай байсан тухай ярьсныг нь гуйвуулан оффшор данстай мэтээр гүтгэн ярьж байна. Миний үйлчлүүлэгчид оффшор данс ганц ч байхгүй. Үүнтэй холбоотойгоор Хан-Уул дүүргийн цагдаагийн 2 дугаар хэлтэст хандан гомдол гаргаж байгаа юм. Нэр дэвшигч Б.Цэрэн нь бусдыг гүтгэх, доромжлох, нэр хүндийг нь гутаах сурталчилгааны ажил явуулж болохгүй гэсэн Сонгуулийн тухай хуулийн заалтыг зөрчсөнтэй холбогдуулан сонгуулийн жагсаалтаас нэрийг нь хасуулах арга хэмжээг авч өгөх хүсэлтийг гаргасан байгаа. Мөн Эрүүгийн хуулийн 112 дугаарт зүйлд заасны дагуу хүнийг гүтгэх, гүжирдэх зүйл ангиар эрүүгийн хэрэг үүсгэж өгөөчээ гэсэн хүсэлт гаргасан байгаа. Учир нь, Сонгуулийн тухай хуулинд заасны дагуу нэр дэвшигч гэмт хэрэг үйлдэж байхдаа газар дээрээ баригдсан тохиолдолд СЕХ-нд мэдэгдэлгүйгээр эрүүгийн хэрэг үүсгэх ёстой. 76 дугаар зүйлээрээ ийм сэжиг бүхий үйлдэл хийсэн тохиолдолд Нийслэлийн СЕХ-д хандах байдлаар Б.Цэрэнд эрүүгийн хэрэг үүсгэх нөхцөл байдал бүрдээд байгаа.

Үүнээс гадна нийслэлийн Ардчилсан намаас нэр дэвшигч Э.Бат-Үүлийг өөлөх ганц шалтаг болоод байгаа оффшор компани гэгчтэй холбоотой албан ёсны мэдэгдлийг сэтгүүлчдэд танилцуулсан. Тус баримтаас үзвэл “Стратежик майнс” гэсэн компанийг 2011 онд байгуулсан ч 2013 онд тус компани татан буугдсан. Харин татан буугдсан компани нь наандаж дансгүй байдаг гэдгийг бүгд л сайн мэдэж байгаа. Ингээд зогсохгүй анхнаасаа оффшор данс байгаагүй ч үгүй гэдгийг Б. Чулуудай өмгөөлөгчөөрөө дамжуулан албан ёсоор мэдэгдлээ.
Энэхүү баримтанд “Стратежик Майнс компани нь 2013 онд жилийн төлбөрөө төлөх үүргээ биелүүлээгүй тул 2004 оны Британийн Виржин арлуудын Бизнесийн компаниудын тухай хуулийн 2013 дахь заалтын дагуу 2013 оны 11 дүгээр сарын 1-ний өдөр бүртгэлээс хасагдсан болохыг ийнхүү тодорхойлж байна гэж өгүүлжээ.
Нийслэлийн Ардчилсан намын хуулийн зөвлөх Р.Батцоож нь МАН-аас НИТХ нэр дэвшигчийн хийсэн ор үндэсгүй бусад мэдэгдлүүдийн талаар тодруулав. Тухайлбал, МАН-ын нэр дэвшигч нь Хан-үүл дүүргийн Өлзийт дүүргийн иргэдтэй уулзалт хийхдээ хотын мэр Э.Бат-Үүлийг сонгууль болохоос өмнө өөрийгөө ялагчаар зарлаад Нийслэлийн засаг даргаар томилчихлоо гэж гүтгэсэн байх юм. Ингэх ямар ч боломжгүй гэдгийг нийслэлчүүд мэдэхийн сайнаар мэдэж байгаа атал тэднийг хуулиа мэддэггүй, ухамсартай сонголт хийдэггүй гэж илэрхий худал мэдээллийг МАН-аас цацаж байгаа хэрэг. 


Нийслэлийн Ардчилсан нам нэр дэвшигчдээ олон нийтэд танилцуулахдаа “Энэ сонгуулилар Ардчилсан нам олонхи болвол Нийслэлийн Засаг даргаар Монгол улсын Ардын уран зохиолч, Төрийн соёрхолт Сэнгийн Эрдэнийн хүү Бат-Үүлийг дахин Засаг даргаар сонгоно” гэж мэдэгдсэн явдал МАН-ын уур бухимдлыг ихэд хүргэсэн бололтой. Ардчилсан нам дотоод ардчилалаа хөгжүүлэхийг эрхэмлэж байгаагийн илрэл болгож Э.Бат-Үүлийг Нийслэлийн Засаг даргад нэр дэвшүүлэхээр сонгосон. Энэ бол нийслэлчүүдийг хэний төлөө, хэний удирдсан багийн төлөө,  цаашид юу хийж бүтээхийг дэмжин саналаа өгч болохыг ил тодоор харуулж, сонгогчдоо хүндэлсэн алхам болсон юм.

Гэтэл МАН-ын баг нь дотроосоо манлайлагчаа сонгож чадаагүй. Энэ бол намын дотоод ардчилал гэх болохоор зүйл тун ядмаг, дотоод эв нэгдэлгүйгээ харуулсан хэрэг гэж санагдахаар гэвэл онц хэтрүүлэг болохгүй байх. Иймд өөрсдийн дотоод зохион байгуултгүй байдлыг  далдлах зорилгоор нийслэлийн Ардчилсан намаас  манлайлагчаа сонгохдоо “Олонхи болсон тохиолдолд” гэж хэлээд байхыг санаатайгаар орхигдуулан дайрч байгаа хэрэг гэж болно.

Нийслэлийн Ардчилсан намын хуулийн зөвлөх Р.Батсүх нь нэр дэвшигч Б.Цэрэнд хандан шударга өрсөлдөхийг сануулсан хатуу үг хэлээд авсаныг хэлэх хэрэгтэй. Тэрээр “Би энэ Б.Цэрэн гэдэг хүнд хандан хэдэн юм хэлье гэж бодож байна. Энэ хүн өөрөө, хүний хэлсэн ярьсаныг ойлгодоггүй байж болно. Тэглээ гээд ард иргэдийг ингэж доромжилж болохгүй. Олонхи болсон тохиолдолд Бат-Үүл гэдэг хүнийг Засаг даргаар сонгоно гэж ойлгомжтой хэлж ярьсаар байтал түүнийг нь мушгиж гуйвуулах замаар ард иргэдийг өөр шигээ мэдлэггүй гээд буруу мэдээлэл цацаад явж байна. Энэ бол хууль бус. Тэгээд ч Бат-Үүл даргатай холбоотой ийм мэдээлэл бас дээр нь түүний хүүтэй холбоотой оффшор данс гэсэн зохиомол зүйл гаргаж ирээд доромжилж байна”  гэсэн юм.

Мөн Бат-Үүлийн хүүгийн дансаар 800 мянган ам.доллар орж гарсан байна, ийм учраас энэ хүнийг битгий сонго гэсэн хуурамч мэдээллийг тараагаад явсныг Р.Батцоож мэдэгдэв. Худалч хүнд бол 800 мянган ам.доллар дансаар орж гарахад МАН-ын Б.Цэрэн гэдэг нэр дэвшигч онигоон дээр гардаг шиг хажууд нь лаа бариад зогсож байсан гэмээр болж таарлаа. Бодит байдал дээр 800 мянган ам.доллар орж гарсан гэх ямар ч баталгаа байхгүй.
Энэ мэтээр санал өгөх өдөр ойртох тусам хийсэн юмгүй хүмүүс өөрсдийгөө дөвийлгөхийн тулд өрсөлдөгчдийнхөө эсрэг хар пи-ар хийх явдал гаарах бололтой. Юу ч хийдэггүй хүн л өндөг шиг өөгүй байдаг бол юмыг хийж бүтээе гэж зүтгэж яваа хүн бүрт өөлөх шалтаг, нээнтэг мунддаггүй гэдгийг бүгд мэдэж байгаа гэдгийг бүгд мэдэж байгаа. Тийм ч болохоор өндөг шиг өөгүй хүмүүс тун удахгүй хар пи-арын ээлжит давалгааг эхлэх нь ойлгомжтой.